Læknaneminn - 01.03.1949, Blaðsíða 10
10
LÆKNANEMINN
Fréttir úr deildinni.
Ritstjórn ,,Læknanemans“ hefir
snúið sér til stjórnar „Félags
læknanema“ og fengið upplýsing-
ar um störf félagsins á síðast-
liðnu ári og nokkur hinna helztu
mála sem unnið var að. Birtum vér
hér hið helzta er ritari félagsins
drap á.
Fundir í félaginu:
Fundir hafa verið með sama
sniði og undanfarin ár. Voru þeir
haldnir í mötuneyti Gamla-Garðs
og yfirleitt mjög vel sóttir. Lækn-
ar hafa verið fengnir til þess að
flytja fræðsluerindi. Að erindi
loknu hefir félagsmönnum gefizt
kostur á að bera fram spurningar,
sem vel og samvizkusamlega hefir
verið svarað.
Eftirtaldir læknar fluttu erindi
á fundum félagsins síðastliðið ár:
Friðrik Einarsson: Ræddi fram-
haldsnám lækna, einkum á Norð-
urlöndum.
Guðmundur Eyjólfsson: Fram-
haldsnám í Ameríku.
Ólafur Bjarnason: Rh-faktor í
blóði.
Vill blaðið fyrir hönd lækna-
nema, færa þessum læknum þakkir
fyrir veitta fræðslu.
Auk erindanna voru hin ýmsu
mál félagsins rædd og lauk fund-
um síðan með sameiginlegri kaffi-
drykkju. Er þetta fvrirkomulag
fundanna mjög vinsælt og verður
vonandi framvegis.
Ráðning læknanema til starfa hjá
héraðslæknum.
I marz s.l. ár skrifaði stjórn-
in öllum héraðslæknum á landinu
og bauð þeim aðstoð sína við út-
vegun og ráðningu læknanema,
sem aðstoðarmanna eða stað-
gengla. Tóku héraðslæknar máli
þessu vel, og voru ráðnir sex stúd-
entar síðastliðið vor, sem aðstoð-
armenn eða staðgenglar héraðs-
lækna. Fleiri héraðslæknar, sem
ekki þurftu þá á aðstoð að halda,
þökkuðu stjórninni forgöngu í
máli þessu og létu í ljós óskir sínar
um það, að mega í framtíðinni
snúa sér til hennar varðandi ráðn-
ingu læknanema. Er þess að vænta
að stjórnin verði framvegis fastur
milliliður við ráðningu læknastúd-
enta út á land.
Fulltrúar á alþjóðlegt læknanema-
mót í Englandi.
Félagið sendi tvo fulltrúa á al-
þjóðlegt læknanemamót, sem hald-
ið var í Englandi síðastl. sumar
Fulltrúar voru Þorbjörg Magnús-
dóttir stud. med. og Lilja Petersen
stud med.Félagið naut styrks frá
Stúdentaráði í þessu skyni.
Blóð g jaf as veitin.
I desember s.l. var haldinn fund-
ur í félagi læknanema.
Á fundi þessum skýrði Dr.
Snorri Hallgrímsson frá því, hverj-
ir erfiðleikar væru á að fá blóð
til blóðgjafa á spítölum.
Blóðgjafasveit skáta, sem hing-
að til hefði verið eina skipulagða
blóðgjafarsveitin, væri nú að þrot-
um komin, og lítil von væri til,
að komið yrði upp blóðbanka á
næstunni þótt um það hefði verið
rætt. Dr Snorri fór því þess á
leit við læknanema, að þeir stofn-
uðu blóðgjafarsveit innan deildar-
innar.